Hurrengo
Irailaren 25ean, Euskal Autonomia Erkidegoko (Araba, Bizkaia eta Gipuzkoa)
hauteskundeak emango dira, non berriro ere erabakiko dena da burgesiaren ze
alderdi politikok aginduko duen EAEn. Hauteskunde hauetan ere ikus dezakegu
nola langile klaseak ez duen bere interesak defendatuko dituen alderdirik.
Antikapitalistak
garen moduan, argi daukagu kapitalismoaren barruan ematen diren hauteskundeak
burgesiaren beste tresna bat direla, demokrazia itxura mantentzeko bere boterea
eta langile klasearekiko diktadura mantentzen duen bitartean. Hemen parte
hartzen duten alderdiak -baita ere ezkerrekoak- burgesiari lana egiten ari
dira, beraien helburua kapitalismoa erreformatzea delarik eta ez honekin
amaitzea, langile klasea engainatuz hauek ez borrokatzeko beraien
interesengatik.
Hauteskunde
hauetan, hauteskunde estataletako alderdi garrantzitsuez gain -PP, PSOE,
Podemos, Ciudadanos- bi euskal alderdi nagusiak aurkezten dira -PNV eta Bildu-,
hauek direlarik indar gehiena dutenak. Espainiar estatuko hauteskundetarako
abstentzioa eskatuz lau alderdi estatalen inguruko iritzia argi geratu zenez,
beharrezkoa ikusten dugu bi alderdi nazionalista hauei dagokien kritika egitea.
Alde batetik PNV, euskal burgesia handiaren ordezkaria, ez dutenak defendatzen
Espainiar Estatuarekin haustura bat ematea, ordezkatzen duten burgesiaren
interesek hala eskatzen dietelako. Burgesia handiaren ordezkari direlarik, argi
dago ez dutela langile klasearen interesak defendatuko, Euskal Herriko
langileriak bere burgesiaren aurka borrokatu behar duelarik. Beste alde batetik
Bildu dugu, burgesia txikiaren ordezkaria, burgesia txikiak gidatutako
independentzia defendatzen dutelarik, klase borroka alde batera utziz eta
langile klasea engainatuz. Gainera, aldarrikatzen duten “erabakitze eskubidea”
edo independentziak ez du inolako hausturarik planteatzen inperialismoarekiko,
legalitate burgesaren barruan bilatzen dutelarik independentzia hau eta beraien
helburua estatu “independiente” baina kapitalista bat delarik. Prozesu hau
aurrera eramateko, inperialismoaren esanak betetzen ari dira, Aieteko
Konferentzian ikusi zen bezala, non inperialismoak ezarritako “Bake Prozesua”
onartu zuten eta ondoren euskal langileriari inposatu. Alderdi honek
planteatzen duen helburua ez dator bat langile klasearen interesekin,
inperialismoarekin hausturarik planteatzen ez duen euskal estatu kapitalista
bat da eta.
Aurreko
komunikatuan azaldu genuen bezala, ez gaude hauteskundetan parte hartzearen
guztiz kontra. Hala ere, parte hartze hau defendituko genuke langile klasearen
interesak benetan defendatzen dituen alderdi bat aurkeztuko balitz, hauteskunde
hauek medio bezela erabiliz eta ez helburu bezela; hauteskunde hauek
kapitalismoaren aurkako borroka indartzeko erabiliz, eta hauteskunde eta
parlamenturaren izaera burgesa ikustaraziz langile klaseari, azalduz beraien
irtenbidea ez dagoela hor. Hala ere ikus dezakegu gaur egun aurkezten diren
alderdiek duten helburua kapitalismoa erreformatzea dela, eta ez sistema honen
aurkako borroka indartzea.
Beraz, eta lehenago
azaldutakoan oinarrituz, Oreretako Gazte Bloke Antifaxistatik berriro ere
abstentzio aktibo eta kontziente baten aldeko deia zabaltzen dugu, langile
klaseak parte ez hartzeko eta legitimitaterik ez emateko burgesiaren tresna
diren hauteskunde hauei, eta bere bidea jarraitzeko kapitalismoaren aurkako
borrokan.
ABSTENTZIO AKTIBO
ETA KONTZIENTE BATEN ALDE!
BURGESIARI
BOZKARIK EZ!