Oreretako Gazte
Bloke Antifaxistatik gure elkartasuna adierazi nahi diogu Partido Marxista
Leninista (Reconstrucción Comunista) alderdiari bere ilegalizazioaren aurrean,
hala nola, urtarrilaren 27an atxilotuak izan ziren internazionalistekin. Baita
ere, gure babesa adierazi nahi diogu alderdi honetako Idazkari Nagusi den Roberri,
non bi hilabete egin dituen kartzelan, FIES erregimenean, eta 6000 euroko
fiantza ordaindu ondoren aske geratu berri den.
Urtarrilaren 27an
Bilbo, Madril eta Valentzian eman ziren atxiloketekin argi geratu zen espainiar
estatuaren postura, ISISen aurka borrokatzen duela dioen bitartean, PML (RC)ko
kideak PKKrekin harremana izateaz leporatuta atxilotu zituztelako,
internazionalismo kontziente eta aktiboaren aurka eginez eta hau erreprimituz. Gogora
dezagun PKK (Kurdistango Langileen Alderdia) Estatu Islamikoaren aurka borrokan
ari dela Kurdistanen, eta atxiloketa hauekin estatu espainiarrak argi utzi zuen
turkiar estatu faxistarekin duen kolaborazioa, Estatu Islamikoaren laguntzaile nagusitako
bat.
Hala ere, alderdi
honek PKKrekin eduki zezakeen harremana aitzaki bezela hartu dute atxiloketa
hauek burutu eta alderdi hau ilegalizatzerakoan. PML (RC)k Kurdistango
Langileen Alderdiarekin duen ustezko erlazioa langile internazionalismoa kontzienteki
aplikatzeagatik leporatzen zaio. Gainera, PML (RC)ko bi militantek joan den
urtean Kurdistanera joatea erabaki izanak akusazioa indartzen du, baina kontuan
hartu behar da MLKPk sortutako Askatasunaren aldeko Batailoi Internazionalean
egon zirela borrokan , YPGren barruan. Ez MLKP eta ez YPG terroristatzat
kontsideratuak egonda, PKKrekin harremana zuela asmatu zuten Reconstruccion
Comunista ilegalizatzeko.
Atxiloketa
hauekin, estatu espainiarrak argi utzi du internazionalismo kontzientea zapalduko
duela, baina baita ere estatu mailako langile klasearen defentsa, lehen esan
bezela, PKKrekin izan zituen ustezko harremanak aitzaki bezela erabili
dituztelako alderdi hau ilegalizatzeko. Alderdi komunista honenganako
errepresio kasu hau, langile klasearenganako eta bere antolatze
askatasunarenganako errepresio kasu bezela ere ulertzen dugu. Azken aldiko
jokaerekin, “Operación Valle” delakoa barne, nabaria da estatu espainiarrak
burutzen duen errepresioaren gorakada langile klasearengan, eta estatu burgesak
burutzen duen errepresioaren aurrean, gure klaseak, langile klaseak batuta egon
behar duela aldarrikatzen dugu.
INTERNAZIONALISMOA ETA LANGILE KLASEAREN DEFENTSA EZ DIRA DELITUA!PARTIDO MARXISTA-LENINISTA (RECONSTRUCCIÓN COMUNISTA) AURRERA!
ILEGALIZAZIORIK EZ!
URTARRILAK 27KO
ATXILOTUENTZAT ABSOLUZIOA!
